Шаноўныя сябры,

Звяртаемся да вас з просьбай падзяліцца інфармацыяй пра цікавых сведкаў часу і актыўных краязнаўцаў Ельскага раёна Гомельскай вобласці, калі вы такіх ведаеце.

Вялікі вам дзякуй!

Прапануем падаваць заяўкі на ўдзел у экспедыцыі праекта "Беларускі архіў вуснай гісторыі”, якая адбудзецца 6-11 траўня 2013 г. ў Ельскім раёне Гомельскай вобласці. 

 

9 красавіка (аўторак) у кнігарні "логвінаЎ" (пр. Незалежнасці, 37а) адбудзецца прэзентацыя кнігі Алеся Смаленчука «Беларуская гісторыя: знайсці чалавека». Тэксты кнігі тычацца беларускай гісторыі штодзённасці, біяграфістыкі ды вуснай гісторыі.

 

26 сакавіка ўпершыню адбылася прэзентацыя дзейнасці інтэрнет-праекта “Беларускі архіў вуснай гісторыі” у адным з абласных цэнтраў Беларусі – горадзе Гомелі. У філіяле Веткаўскага музея сабраліся зацікаўленыя ў галіне вуснай гісторыі студэнты, выкладчыкі, даследчыкі гісторыі і мастацтва,  працаўнікі музея.

Ласкава запрашаем на прэзентацыю інтэрнэт-праекта “Беларускі архіў вуснай гісторыі”, першага беларускага он-лайн сховішча вусных успамінаў.

Мерапрыемства адбудзецца ў Гомелі 26 сакавіка ў 16.00 ( філіял Веткаўскага музея, пл. Леніна, 4).