Інстытут “Палітычная сфера” запрашае да ўдзелу ў ІІІ Міжнароднай навуковай канферэнцыі “Войны ў палітычнай і культурнай традыцыі Беларусі і іншых  краін Цэнтральна-Усходняй Еўропы”, якая пройдзе 30-31 траўня 2014 г. у  Мінску.

Тэмы для разгляду:

1) Аршанская бітва і войны XVI стагоддзя ў гісторыі, гістарыяграфіі ды ідэалогіі Беларусі і іншых краін Цэнтральна-Усходняй Еўропы.

2) Першая сусветная вайна і паўстанне Беларусі як палітычнага суб’екту.

3) Роля Першай сусветнай вайны ў палітычным і культурным пераўладкаванні Цэнтральна-Усходняй Еўропы.

4) Вызваленне, акупацыя, збройны супраціў: 1944 год у гісторыі і гістарыяграфіі народаў Цэнтральна-Усходняй Еўропы.

5) Культура памяці і вайна ў Беларусі: Дзень Вайсковай славы, Дзень Перамогі, Дзень Незалежнасці.

6) Культура памяці, нацыянальныя святы і войны ў Цэнтральна-Усходняй Еўропе.

Для ўдзелу ў канферэнцыі неабходна даслаць:

1) CV на любой працоўнай мове;

2) тэзісы выступу памерам 2-3 тыс. друкаваных знакаў на любой працоўнай мове;

3) таксама ў лісце неабходна паведаміць, ці патрабуецца візавая падтрымка.

Заяўку неабходна даслаць на адрас info@palityka.org да 15 сакавіка 2014 года.
 

Па выніках канферэнцыі плануецца выхад тэматычнага нумару “Палітычнай сферы”.
 

Больш інфармацыі на сайце інстытута  palityka.org